சிம்லா கிரீன் மற்றும் ஸ்டீல் கிரே வண்ணங்களில் அறிமுகமாகும் ஸ்கோடா ஸ்லாவியா

ஸ்கோடா ஆட்டோ இந்தியா தனது ஸ்லாவியா வரிசையை விரிவுபடுத்தியுள்ளது, இதில் ஸ்லாவியா மான்டே கார்லோ இரண்டு புதிய பிரத்யேக வண்ணத் தேர்வுகளைப் பெற்றுள்ளது - சிம்லா கிரீன் மற்றும் ஸ்டீல் கிரே. அவை இரண்டும் ஒரு தனித்துவமான டூயல்-டோன் ஃபினிஷில் வழங்கப்படுகின்றன. வெறும் 200 யூனிட்டுகளுக்கு மட்டுமே பிரத்யேகமான, ஸ்லாவியா மான்டே கார்லோவின் இந்த வண்ணப்பதிப்புகள் வரையறுக்கப்பட்டுள்ளது.

இந்த அறிமுகம் குறித்து ஸ்கோடா ஆட்டோ இந்தியாவின் பிராண்ட் டைரக்டர் ஆஷிஷ் குப்தா கூறுகையில், "ஸ்லாவியா மான்டே கார்லோ அதன் தனித்துவமான வடிவமைப்பு, பிரீமியம் ஈர்ப்பு, ஈர்க்கக்கூடிய ஓட்டுநர் டைனமிக்ஸ் மற்றும் எங்கள் மோட்டார்ஸ்போர்ட் பாரம்பரியத்துடனான வலுவான தொடர்பு ஆகியவற்றால் வாடிக்கையாளர்களிடம் நல்ல வரவேற்பைப் பெற்றுள்ளது. வாடிக்கையாளர்களுக்கு அதிக தேர்வுகள் மற்றும் பிரத்யேகத்தன்மையை வழங்குவதன் மூலம், மான்டே கார்லோ வரிசையின் தனித்துவம் மற்றும் விரும்பத்தக்க தன்மையை நாங்கள் மேலும் மேம்படுத்துகிறோம். ஸ்லாவியா மான்டே கார்லோ, ஸ்டைல், செயல்திறன் மற்றும் நவீனத்துவத்தின் சரியான கலவையைத் தொடர்ந்து பிரதிபலிக்கிறது. எங்கள் வாடிக்கையாளர்களின் வளர்ந்து வரும் அபிலாஷைகளுக்கு ஏற்ப, எங்களது செடான் போர்ட்ஃபோலியோவை நாங்கள் தொடர்ந்து வலுப்படுத்துவோம்," என்றார்.

புதிய பிரத்யேக வண்ணத் தேர்வுகளைத் தவிர, ஸ்லாவியா மான்டே கார்லோ அதன் பிளாக்டு-அவுட் வெளிப்புற வடிவமைப்பு கூறுகள், சிக்னேச்சர் மான்டே கார்லோ ஸ்டைலிங் கூறுகள், பிரீமியம் கருப்பு மற்றும் சிவப்பு இன்டீரியர் தீம் மற்றும் அம்சங்கள் நிறைந்த கேபின் ஆகியவற்றின் மூலம் தொடர்ந்து தன்னைத் தனித்துவப்படுத்திக் காட்டுகிறது. ஸ்கோடா ஆட்டோ இந்தியாவின் நிரூபிக்கப்பட்ட டிஎஸ்ஐ இன்ஜின்களுடன் ஸ்லாவியா மான்டே கார்லோ தொடர்ந்து வழங்கப்படுகிறது, இது பிராண்டின் ரியல் ஆட்டோமேட்டிக்ஸ்களின் வரிசையுடன் இணைந்து, செயல்திறன், எரிபொருள் சிக்கனம் மற்றும் ஓட்டுநர் இன்பம் ஆகியவற்றின் கலவையை வழங்குகிறது.

வாடிக்கையாளர்கள் 6-ஸ்பீடு டார்க் கன்வெர்ட்டர் ஆட்டோமேட்டிக் டிரான்ஸ்மிஷனுடன் இணைக்கப்பட்ட 1.0-லிட்டர் டிஎஸ்ஐ இன்ஜின் அல்லது 7-ஸ்பீடு டிஎஸ்ஜியுடன் இணைக்கப்பட்ட 1.5-லிட்டர் டிஎஸ்ஐ இன்ஜின் ஆகியவற்றுக்கு இடையே தேர்வு செய்யலாம். 1.0 டிஎஸ்ஐ என்பது மூன்று-சிலிண்டர் டர்போசார்ஜ்டு பெட்ரோல் இன்ஜின் ஆகும், இது 85 கிலோ வாட்,115 பிஎஸ் பவரையும் 178 என்எம்  டார்க் திறனையும் உருவாக்குகிறது, அதேசமயம் பெரிய 1.5 டிஎஸ்ஐ நான்கு-சிலிண்டர் டர்போசார்ஜ்டு பெட்ரோல் இன்ஜின் 110 கிலோ வாட் 150 பிஎஸ்  பவரையும் 250 என்எம்  டார்க் திறனையும் உற்பத்தி செய்கிறது. மேலும், குறைந்த லோடுகளில் இரண்டு சிலிண்டர்கள் நிறுத்தப்பட்டு எரிபொருளை மிச்சப்படுத்தும் 'ஆக்டிவ் சிலிண்டர் டெக்னாலஜி' மற்றும் சிறந்த வெப்ப மேலாண்மை மற்றும் தெர்மல் எஃபிஷியன்சிக்கான 'பிளாஸ்மா-கோட்டட் சிலிண்டர் லைனர்கள்' ஆகியவற்றை வழங்கும் அதன் பிரிவிலேயே உள்ள ஒரே இன்ஜினாக 1.5 டிஎஸ்ஐ தொடர்ந்து விளங்குகிறது.