இந்தியாவின் முன்னணி சொத்து மேலாண்மை நிறுவனங்களில் ஒன்றான ஆக்சிஸ் மியூச்சுவல் ஃபண்ட், தனது புதிய திட்டமான 'ஆக்சிஸ் நிஃப்டி இந்தியா டிஃபென்ஸ் இண்டெக்ஸ் ஃபண்ட் அறிமுகத்தை அறிவித்துள்ளது. இது நிஃப்டி இந்தியா டிஃபென்ஸ் டிஆர்ஐ-யில் இடம் பெற்றுள்ள பங்குகளில் முதலீடு செய்யும் ஒரு ஓப்பன்-எண்டட் இண்டெக்ஸ் ஃபண்ட் ஆகும். இந்த புதிய நிதி வெளியீடு சந்தா செலுத்துவதற்காக 2026, ஏப்ரல் 10 அன்று தொடங்கி, 2026, ஏப்ரல் 24 அன்று நிறைவடைகிறது.
ஆக்சிஸ் நிஃப்டி இந்தியா டிஃபென்ஸ் இண்டெக்ஸ் ஃபண்ட், டிராக்கிங் பிழைகளுக்கு உட்பட்டு, செலவினங்களுக்கு முன்னதாக நிஃப்டி இந்தியா டிஃபென்ஸ் டோட்டல் ரிட்டன் இண்டெக்ஸ் செயல்பாட்டிற்கு நிகரான வருவாயை வழங்குவதை நோக்கமாகக் கொண்டுள்ளது. அதிகரித்து வரும் உலகளாவிய பாதுகாப்புச் செலவினங்கள், இந்தியாவின் வேகமான பாதுகாப்பு நவீனமயமாக்கல் மற்றும் உள்நாட்டு உற்பத்தி மற்றும் ஏற்றுமதிக்கான அரசாங்கத்தின் வலுவான உந்துதல் ஆகியவற்றால் உருவாகும் நீண்டகால கட்டமைப்பு வாய்ப்புகளில் பங்கேற்க, ஒரு முறையான, வெளிப்படையான மற்றும் குறைந்த கட்டண தீர்வை இந்த நிதி முதலீட்டாளர்களுக்கு வழங்குகிறது.
ஆக்சிஸ் நிஃப்டி இந்தியா டிஃபென்ஸ் இண்டெக்ஸ் ஃபண்ட், அதன் அடிப்படை குறியீட்டை அப்படியே பின்பற்றுவதன் மூலம், பாதுகாப்பு சார்ந்த நடவடிக்கைகளில் இருந்து கணிசமான வருவாயைப் பெறும் குறிப்பிட்ட நிறுவனங்களின் தொகுப்பை கண்காணிப்பதை நோக்கமாகக் கொண்டுள்ளது. இந்த அடிப்படை குறியீட்டில் விண்வெளி மற்றும் பாதுகாப்பு உபகரணங்கள், கப்பல் கட்டுதல், வெடிபொருட்கள் மற்றும் அது சார்ந்த சேவைகளில் ஈடுபட்டுள்ள நிறுவனங்கள் இடம்பெற்றுள்ளன. இவை வரையறுக்கப்பட்ட தகுதி அளவுகோல்கள் மூலம் தேர்ந்தெடுக்கப்பட்டு, பொருத்தமான வரம்புகளுடன் 'ஃப்ரீ-ஃப்ளோட் மார்க்கெட் கேபிடலைசேஷன்' அடிப்படையில் வரிசைப்படுத்தப்படுகின்றன. இந்த குறியீடு அரை ஆண்டிற்கு ஒருமுறை மறுசீரமைப்பு செய்யப்படுவதால், இதில் ஒழுங்குமுறையும் வெளிப்படைத்தன்மையும் உறுதி செய்யப்படுகிறது.
ஆக்சிஸ் ஏஎம்சி நிறுவனத்தின் நிர்வாக இயக்குநரும் மற்றும் தலைமை நிர்வாக அதிகாரியுமான பி.கோப்குமார் கூறுகையில், "அதிகரித்து வரும் நிதி ஒதுக்கீடு, வலுவான கொள்கை நோக்கம் மற்றும் விரிவடைந்து வரும் ஏற்றுமதி வாய்ப்புகள் ஆகியவற்றின் ஆதரவுடன், இந்தியாவின் பாதுகாப்புத் துறை பல ஆண்டுகால மாற்றத்திற்கு உட்பட்டு வருகிறது. ஆக்சிஸ் நிஃப்டி இந்தியா டிஃபென்ஸ் இண்டெக்ஸ் ஃபண்ட் மூலம், இந்த கட்டமைப்பு ரீதியான வளர்ச்சி கருப்பொருளில் பங்கேற்க முதலீட்டாளர்களுக்கு குறைந்த செலவிலான, விதிகள் அடிப்படையிலான ஒரு வழியை நாங்கள் வழங்குகிறோம். இந்தியாவின் மூலோபாய மற்றும் உற்பத்தி முன்னுரிமைகளுடன் தங்கள் முதலீட்டு போர்ட்ஃபோலியோவை இணைக்க விரும்பும் நீண்டகால தொலைநோக்கு பார்வை கொண்ட முதலீட்டாளர்களுக்கு இந்த நிதி மிகவும் பொருத்தமானது," என்றார்.
உள்நாட்டுப் பாதுகாப்புச் செலவினங்களின் அதிகரிப்பு, 'ஆத்மநிர்பர் பாரத்' திட்டத்தின் கீழான வலுவான கொள்கை உந்துதல் மற்றும் குறைந்த அளவிலிருந்த பாதுகாப்பு ஏற்றுமதியின் வேகமான வளர்ச்சி ஆகியவற்றின் காரணமாக, இந்தியாவின் பாதுகாப்புத் துறை ஒரு கட்டமைப்பு ரீதியான வளர்ச்சியை கண்டு வருகிறது. பன்முனை உலக ஒழுங்கை நோக்கிய உலகளாவிய மாற்றம், பாதுகாப்புச் செலவினங்கள் தொடர்ந்து நீடிப்பதற்கு மேலும் ஆதரவளிக்கிறது. சமீபத்திய சந்தை மாற்றங்களால்அவற்றின் மதிப்பீடுகள் ஒப்பீட்டளவில் ஈர்க்கக்கூடியதாக மாறியுள்ள நிலையில், இது இந்திய பாதுகாப்பு நிறுவனங்களுக்கு நீண்டகால வாய்ப்புகளை உருவாக்குகிறது.
இந்த நிதியானது நந்திக் மல்லிக் மற்றும் ரோஹித் கௌதம் ஆகியோரால் நிர்வகிக்கப்படும். இது ஒரு 'பேசிவ்' முதலீட்டு அணுகுமுறையைப் பின்பற்றுகிறது, இது நிதி மேலாளரின் தனிப்பட்ட விருப்பங்களின் தாக்கத்தைத் தவிர்ப்பதுடன், முன்னணி பாதுகாப்பு சார்ந்த நிறுவனங்களில் பரவலான முதலீட்டு வாய்ப்பையும் வழங்குகிறது. இத்துறை சார்ந்த குறிப்பிட்ட கருப்பொருளை அடிப்படையாகக் கொண்டிருப்பதால், முதலீட்டாளர்கள் குறுகிய முதல் நடுத்தர காலத்தில் அதிக ஏற்ற இறக்கங்களை எதிர்பார்க்கலாம். எனவே, இந்த நிதியை ஒரு நீண்ட கால ஒதுக்கீடாகக் கருதுமாறும், முன்னுரிமை அடிப்படையில் சிஸ்டமேட்டிக் இன்வெஸ்ட்மென்ட் பிளான்கள் மூலம் முதலீடு செய்யுமாறும் முதலீட்டாளர்கள் ஊக்குவிக்கப்படுகிறார்கள்.