இந்தியாவின் மின்சாரம் மற்றும் தானியக்கத் துறையில் முன்னணி நிறுவனமான லாரிட்ஸ் க்னுட்சன் எலக்ட்ரிக்கல் அண்ட் ஆட்டோமேஷன், இந்தியாவின் ஆற்றல் எதிர்காலத்தை வலுப்படுத்தும் நோக்கில் தனது வரலாற்றிலேயே மிகப்பெரிய தொழில்நுட்பத் தொகுப்புக் காட்சியின் ஒரு பகுதியாக 10-க்கும் மேற்பட்ட அடுத்த தலைமுறை புதுமைகளை அறிமுகப்படுத்தியது. ‘பவரிங் ய நான் ஸ்டாப் இந்தியா’ என்ற நிறுவனத்தின் பிராண்ட் வாக்குறுதியை மையமாகக் கொண்டு, தொழில்துறைகள் மற்றும் உட்கட்டமைப்புகளுக்கான நிலைத்தன்மை, செயல்திறன் மற்றும் எதிர்காலத் தயார்நிலை கொண்ட ஆற்றல் சூழல்களை உருவாக்கும் தனது முயற்சியை நிறுவனம் தொடர்ந்து முன்னெடுத்து வருகிறது.
இந்தியாவின் வளர்ச்சியில் ஆற்றல் நிலைத்தன்மையும் நம்பகத்தன்மையும் முக்கிய பங்காற்றும் இந்நேரத்தில், குறைந்த மின்னழுத்த பாதுகாப்பு அமைப்புகள் முதல் தொழில்துறை தானியக்கம் மற்றும் இணைந்த வாழ்க்கைத் தொழில்நுட்பங்கள் வரை பல்வேறு தீர்வுகளை லாரிட்ஸ் க்னுட்சன் முன்னெடுத்து வருகிறது. இத்தீர்வுகள் செயல்பாடுகளை தடையின்றி, பாதுகாப்பாக மற்றும் நிலைத்தன்மையுடன் செயல்படச் செய்யும் வகையில் வடிவமைக்கப்பட்டுள்ளன.
இந்த உறுதிப்பாட்டை வெளிப்படுத்தும் வகையில், நிறுவனம் சமீபத்தில் மும்பையில் வாடிக்கையாளர்கள், கூட்டாளர்கள் மற்றும் தொழில்துறை பங்குதாரர்களை ஒன்றிணைத்து தனது விரிவடைந்த தொழில்நுட்பத் தொகுப்பை அறிமுகப்படுத்தியது. இதன் மூலம் இந்தியாவின் வளர்ந்து வரும் தொழில்துறை மையங்களுக்கு எதிர்காலத் தயார்நிலை கொண்ட தொழில்நுட்பங்களை அணுகக்கூடியதாக மாற்றி, நிறுவனங்கள் மேலும் சிறந்த மற்றும் ஆற்றல் திறன் வாய்ந்த செயல்பாடுகளை உருவாக்க உதவுகிறது.
க்ரேட்டர் இந்தியாவின் மண்டலத் தலைவர் டீபக் சர்மா, கூறுகையில்: “இந்தியாவின் வளர்ச்சி பயணம், நிலைத்தன்மை கொண்ட, புத்திசாலித்தனமான மற்றும் எதிர்காலத் தயார்நிலை கொண்ட ஆற்றல் உட்கட்டமைப்பை உருவாக்கும் திறனைச் சுற்றியே அமைந்துள்ளது. உலகத் தரத்திற்கு இணையானதோடு, இந்தியாவின் தனிப்பட்ட தேவைகளை ஆழமாகப் புரிந்துகொண்டு உருவாக்கப்பட்ட தீர்வுகளை வழங்குவதன் மூலம் லாரிட்ஸ் க்னுட்சன் இந்தப் பயணத்தில் முக்கிய பங்கு வகிக்கிறது. இந்தியாவுடன் இணைந்து வளர்ந்தோம், இந்தியாவிலிருந்து கற்றுக்கொண்டோம், இந்தியாவில் உருவாக்கினோம். தற்போது, தொழில்துறைகள், உட்கட்டமைப்புகள் மற்றும் சமூகங்களுக்கு நம்பகமான, திறன் வாய்ந்த மற்றும் நிலைத்த ஆற்றல் அமைப்புகளை வழங்குவதன் மூலம் புதிய இந்தியாவை உருவாக்கும் பணியில் ஈடுபட்டுள்ளோம்” என்றார்.
லாரிட்ஸ் க்னுட்சன் சிஓஓ நரேஷ் குமார், கூறுகையில்: “லாரிட்ஸ் க்னுட்சனில், எங்களின் அணுகுமுறை ‘இந்தியாவிற்காக வடிவமைத்து உருவாக்குதல்’ என்பதில் உறுதியாக உள்ளது. விவசாயிகள் தொலைதூரத்திலிருந்தே பாசனத்தை நிர்வகிக்க உதவுவது முதல், எம்எஸ்எம்இகளும் பெரிய தொழில்துறைகளும் ஆற்றல் பயன்பாட்டை மேம்படுத்த உதவுவது வரை, இந்திய சூழலின் தேவைகளுக்கு ஏற்ப தொழில்நுட்பங்களை உருவாக்கி வருகிறோம். இந்தியாவில் உருவான புதுமைகளை உலகளாவிய அளவில் செயல்திறன் கொண்ட தீர்வுகளாக மாற்றும் திறனே எங்களை தனித்துவப்படுத்துகிறது. நாங்கள் தயாரிப்புகளை மட்டும் சந்தைக்கு கொண்டு வரவில்லை. அணுகலை உருவாக்கி, செயல்திறனை உயர்த்தி, இந்தியாவின் தொழில்துறை மற்றும் ஆற்றல் மாற்றத்தை விரைவுபடுத்தி வருகிறோம்” என்றார்.