இந்தியாவின் முன்னணி சூப்பர்பைக் தயாரிப்பு நிறுவனங்களில் ஒன்றான பெனெல்லி இந்தியா, டிஆர்கே 552 - தார்ச்சாலைக்காக உருவாக்கப்பட்டது, டிஆர்கே 552 எக்ஸ் - தார்ச்சாலையைத் தாண்டிச் செல்ல உருவாக்கப்பட்டது ஆகிய இரு மாடல்களின் அறிமுகத்தை அறிவித்துள்ளது. இதன் மூலம், பெரும் வரவேற்பைப் பெற்ற தனது டிஆர்கே அட்வென்ச்சர் - டூரிங் பிளாட்ஃபார்மை நிறுவனம் முழுமையான பரிணாம வளர்ச்சியுடன் அடுத்த கட்டத்திற்கு எடுத்துச் சென்றுள்ளது.
பெனெல்லி டிஆர்கே 552 மற்றும் டிஆர்கே 552எக்ஸ் மாடல்கள் 22 அக்டோபர் 2026 முதல் நாடு முழுவதும் உள்ள அங்கீகரிக்கப்பட்ட பெனெல்லி கீவே டீலர்ஷிப்களில் கிடைக்கும். டிஆர்கே 552-ன் விலை ரூ.7,22,000/- ஆகவும், டிஆர்கே 552எக்ஸ் விலை ரூ.7,74,000/- ஆகவும் நிர்ணயிக்கப்பட்டுள்ளது. டிஆர்கே 552எக்ஸ் லிமிடெட் எடிஷனின் விலை ரூ.7,90,000/- (அனைத்து விலைகளும் எக்ஸ்-ஷோரூம், இந்தியா). அங்கீகரிக்கப்பட்ட பெனெல்லி கீவே டீலர்ஷிப்கள் மூலம் 22 அக்டோபர் 2026 முதல் முன்பதிவு தொடங்குகிறது.
இந்த இரண்டு மோட்டார்சைக்கிள்களும் வெவ்வேறு ரைடிங் தேவைகளை மனதில் கொண்டு உருவாக்கப்பட்டுள்ளன. பெரும்பாலும் தார்ச்சாலைகளில் பயணிக்கும், நீண்ட தூர டூரிங் மேற்கொள்ளும் ரைடர்களுக்காக டிஆர்கே 552 வடிவமைக்கப்பட்டுள்ளது. மறுபுறம், டிஆர்கே 552எக்ஸ் ஸ்போக் வீல்கள், கூடுதல் கிரவுண்ட் கிளியரன்ஸ் மற்றும் ஆஃப்-ரோடுக்கு ஏற்ற வீல் மற்றும் டயர் அமைப்புடன், அதன் முன்னோடிகளான டிஆர்கே 502 மற்றும் டிஆர்கே 502ஏக்ஸ் போலவே, இந்த பிளாட்ஃபார்மின் அட்வென்ச்சர் திறனை மேலும் விரிவுபடுத்துகிறது.
டிஆர்கே-ன் நிலைபெற்ற டூரிங் டிஎன்ஏ-வை அடிப்படையாகக் கொண்டு, புதிய தலைமுறை மாடல்களில் 554சிசி லிக்விட் - கூல்டு பேரலல்-ட்வின் இன்ஜின், மேம்படுத்தப்பட்ட சேசிஸ் ஹார்டுவேர், அப்கிரேடு செய்யப்பட்ட ரைடர் தொழில்நுட்பம் மற்றும் டூரிங்கை மையமாகக் கொண்ட விரிவான அம்சங்கள் இணைக்கப்பட்டுள்ளன. இந்தப் புதிய இன்ஜின் 8,500 ஆர்பிஎம்-ல் 52 பிஎச்பி பவரையும், 6,500 ஆர்பிஎம்மில் 49 என்எம் டார்க்கையும் வெளிப்படுத்துகிறது. இன்ஜினுடன் சிக்ஸ்-ஸ்பீடு டிரான்ஸ்மிஷன் மற்றும் ஸ்லிப்பர் கிளட்ச் இணைக்கப்பட்டுள்ளதால், ரைடர்களுக்கு வலுவான செயல்திறனுடன், டவுன்ஷிஃப்ட் செய்யும்போது மென்மையான கட்டுப்பாடும் கிடைக்கிறது.
மேம்படுத்தப்பட்ட டிஆர்கே பிளாட்ஃபார்மில் 5-இன்ச் டிஎப்டி டிஸ்ப்ளே, ப்ளூடூத் இணைப்பு, நேவிகேஷன் மற்றும் டி பாக்ஸ் இணைப்பு உள்ளிட்ட விரிவான ரைடர் இன்டர்ஃபேஸும் அறிமுகப்படுத்தப்பட்டுள்ளது. இதனால் காக்பிட் முன்பைவிட அதிகப் பயனுள்ளதாக மாறியுள்ளது. டூரிங் என்பது வெறும் தூரத்தைக் கடப்பது மட்டுமல்ல என்று கருதும் ரைடர்களுக்காக, புதிய தொழில்நுட்பம், சௌகரியம் மற்றும் திறன் ஆகியவற்றை ஒன்றிணைத்து, பயணத்தையே அனுபவத்தின் பிரிக்க முடியாத அங்கமாக மாற்றுகின்றன.
அறிமுகம் குறித்துப் பேசிய பெனெல்லி இந்தியாவின் நிர்வாக இயக்குநர் விகாஸ் ஜாபக் கூறுகையில், “டிஆர்கே என்ற பெயர் டூரிங் மற்றும் புதிய இடங்களைத் தேடிச் செல்லும் உணர்வின் அடையாளமாக மாறியுள்ளது; புதிய டிஆர்கே 552 மற்றும் டிஆர்கே 552எக்ஸ் அந்தச் சிந்தனையைப் புதிய தலைமுறைக்குக் கொண்டு செல்கின்றன. நீண்ட தூரம் பயணிக்கும் ரைடர்களுக்கு மிக முக்கியமான செயல்திறன், சௌகரியம், கட்டுப்பாடு, தொழில்நுட்பம் மற்றும் பன்முகத்தன்மை போன்ற அம்சங்களில் நாங்கள் கவனம் செலுத்தியுள்ளோம்” என்றார்.