அலுமினியப் பொருட்களின் வடிவமைப்பு, உற்பத்தி மற்றும் நிறுவல் நிறுவங்களின் ஒன்றான எச்ஆர்எஸ் அலுகிளாஸ் லிமிடெட், அதன் பொது வெளியீட்டிலிந்து ரூ. 50.92 கோடி வரை திரட்டத் திட்டமிட்டுள்ளது. பொதுச் வெளியீடு டிசம்பர் 11, 2025 அன்று சந்தாவிற்காகத் தொடங்கி டிசம்பர் 15, 2025 அன்று முடிவடையும். குமுலேட்டிவ் கேபிடல் பிரைவேட் லிமிடெட் இந்த சலுகையின் முன்னணி மேலாளர் ஆகும். பங்குகள் பிஎஸ்இ எஸ்எம்இ தளத்தில் பட்டியலிடப்படும்.
ரூ.50.92 கோடி மதிப்புள்ள ஆரம்ப பொது வெளியீடு, 2.748 லட்சம் பங்குகளின் சந்தைப் பகுதியை உள்ளடக்கிய 53.04 லட்சம் ஈக்விட்டி பங்குகளின் புதிய வெளியீட்டாகும். பொதுமக்களுக்கு வழங்கப்படும் மொத்த வெளியீட்டில் 50.29 லட்சம் பங்குகள் ஒவ்வொன்றும் ரூ. 10 முகமதிப்புடன், ஒரு பங்கிற்கு ரூ. 94 முதல் 96 விலை நிர்ணயிக்கப்பட்டுள்ளது.
இந்த வெளியீட்டின் மொத்த நிகர வருமானத்தில், ரூ.18.30 கோடி, அகமதாபாத்தின் ரஜோடாவில் முகப்புப் பணிகளுக்காக அசெம்பிளி & கண்ணாடி மெருகூட்டல் பாதையை அமைப்பதற்கான மூலதனச் செலவினங்களுக்கு நிதியளிக்கவும், ரூ. 19 கோடி பணி மூலதனத் தேவைகளுக்கு நிதியளிக்கவும், மீதமுள்ளவை பொது நிறுவன நோக்கங்களுக்காகவும் பயன்படுத்தப்படும். சில்லறை விற்பனைப் பிரிவில் வழங்கப்படும் மொத்த பங்குகள் 17.85 லட்சமாகும்.
தனிப்பட்ட முதலீட்டாளர்களுக்கான குறைந்தபட்ச விண்ணப்பம் 2,400 பங்குகள் ஆகும், அதாவது ஒரு பங்கிற்கு ரூ.96 சலுகை விலையில் (அதிக விலை வரம்பு) குறைந்தபட்ச முதலீடு ரூ.2,30,400 ஆகும். லாட் அளவு 1,200 பங்குகள் ஆகும்.
நிதியாண்டின் முதல் பாதியில் நிறுவனத்தின் மொத்த வருமானம் ரூ. 26.35 கோடி, எபிட்டா ரூ.8.45 கோடி, நிகர லாபம் ரூ. 4.54 கோடி எனப் பதிவு செய்யப்பட்டுள்ளது. நிதியாண்டின் 24, 25-ல், மொத்த வருமானம் ரூ. 42.14 கோடி, எபிட்டா ரூ.10.70 கோடி மற்றும் நிகர லாபம் ரூ. 5.15 கோடி எனப் பதிவாகியுள்ளது. செப்டம்பர் 30, 2025 நிலவரப்படி, இருப்பு மற்றும் உபரி ரூ.10.66 கோடியாகவும், சொத்துக்கள் ரூ.91.16 கோடியாகவும் உள்ளன. நிறுவனம் மார்ச் 31, 2025 நிலவரப்படி ஆரோக்கியமான வருவாய் விகிதத்தை அறிவித்துள்ளது.