.jpeg)
இந்தியாவின் இளைஞர்களால் நடத்தப்படும் மிகப்பெரும் அமைப்புகளில் ஒன்றான பூமி, அடுத்த தலைமுறை கல்வித் தலைவர்களை உருவாக்குவதன் மூலம் இந்தியாவின் கற்றல் நெருக்கடியைச் சமாளிப்பதற்காக வடிவமைக்கப்பட்ட, இரண்டு ஆண்டு கால ஊதியத்துடன் கூடிய ஒரு மாற்றியமைக்கும் திட்டமான பூமி பெல்லோஷிப் 2026 திட்டத்திற்கான விண்ணப்பங்கள் அளிக்கப்படுவதாக அறிவித்துள்ளது.
இந்த ஃபெலோஷிப் திட்டம், நாட்டின் ஆழமான கல்வி இடைவெளியைக் குறைக்கும் ஓர் இலட்சியப் பயணத்தில் இணைந்துகொள்ள, 20 முதல் 30 வயதிலான பட்டதாரிகளையும், துவக்க நிலை தொழில்முறைப் பணியாளர்களையும் அழைக்கிறது.
இந்தியாவில் கல்வித் துறையில் குறிப்பிடத்தக்க ஏற்றத்தாழ்வுகள் தொடர்ந்து நிலவி வருகின்றன. வருடாந்திரக் கல்வி நிலை அறிக்கையின்படி, ஐந்தாம் வகுப்பு மாணவர்களில் 44% பேரால் மட்டுமே இரண்டாம் வகுப்புப் பாடத்தைப் படிக்க முடிகிறது, மேலும் வெறும் 22.7% பேரால் மட்டுமே வகுத்தல் கணக்குகளைச் செய்ய முடிகிறது. இது கல்வி அமைப்பில் உள்ள சவால்களைப் பிரதிபலிக்கிறது. பூமி ஃபெலோஷிப் தனது முழு-பள்ளி அளவிலான செயல்பாடுகள் மூலம் இந்த நிலையை மாற்றியமைப்பதை நோக்கமாகக் கொண்டுள்ளது.
இந்த ஃபெலோக்கள் சென்னை, கோயம்புத்தூர் மற்றும் திருச்சியில் உள்ள பின்தங்கிய நிலையிலுள்ள குழந்தைகளுக்கான பள்ளிகளில் பணியாற்றுகின்றனர். முழு-பள்ளி அளவிலான மாற்றத்தின் மூலம் 15,000-க்கும் மேற்பட்ட குழந்தைகளுக்கு பயனளித்து, அவர்கள் ஒரு வளமான மற்றும் முழுமையான கற்றல் சூழலை உருவாக்க ஆசிரியர்கள், பள்ளித் தலைவர்கள் மற்றும் பெற்றோர்களுக்கு ஆதரவளிக்கிறார்கள்.
அடிப்படை எழுத்தறிவு, எண்ணறிவு, சமூக-உணர்ச்சிசார் கற்றல் மற்றும் அறிவியல், தொழில்நுட்பம், பொறியியல் மற்றும் கணிதம் ஆகியவற்றை வலுப்படுத்துதல். ஆசிரியர்களுக்கு தொழில்முறை மேம்பாடு மற்றும் நல்வாழ்வுக்கான சூழல்களை உருவாக்கல், தலைமை ஆசிரியர்கள் தங்கள் பள்ளி ரீதியான தொலைநோக்குப் பார்வையைச் செயல்படுத்த அவர்களுக்கு உதவுதல், பெற்றோருடன் ஈடுபாட்டுடன் பங்கேற்க உதவுதல். வகுப்பறைகள், கழிப்பறைகள், குடிநீர் வசதி, நூலகங்கள், கணினி ஆய்வகங்கள் மற்றும் செயல்பாட்டு வெளிகள் போன்றவற்றை வழங்குவதன் மூலம் பள்ளி உள்கட்டமைப்பை மேம்படுத்துதல், ஆகிய ஐந்து தூண்களைக் கொண்ட அணுகுமுறையில் இந்த பெல்லோஷிப் செயல்படுகிறது.
ஃபெலோக்களுக்கு மாதந்தோறும் ரூ. 25,500 உதவித்தொகை வழங்கப்படுகிறது, மேலும் திட்டத்தை நிறைவு செய்தவுடன் புத்தாக்கம் மற்றும் தொழில்முனைவோர் வழிமுறைகளை ஆதரிக்கும் வகையில் ரூ.1,00,000 ஸீட் ஃபண்ட் வழங்கப்படுகிறது. இந்தத் திட்டத்தில் பங்கேற்ற முன்னாள் ஃபெலோக்கள் புகழ்பெற்ற நிறுவனங்களில் பணிபுரிந்து வருகின்றனர்.
இதுபற்றி பூமி ஃபெலோஷிப் நிர்வாக இயக்குனர் வைஷ்ணவி ஸ்ரீனிவாசன் கூறுகையில், இந்தியாவில் நிலவும் கற்றல் சார்ந்த நெருக்கடிக்கு, பள்ளி அமைப்புகளுக்குள் இருந்து செயல்படக்கூடிய, நம்பிக்கையை வளர்க்கக்கூடிய மற்றும் வகுப்பறைகளை அடிமட்டத்திலிருந்து மாற்றியமைக்கக்கூடிய அர்ப்பணிப்புள்ள தலைவர்கள் தேவைப்படுகிறார்கள். பூமி ஃபெலோஷிப் இளம் மாற்றவாதிகளை தலைவர்களாக உருவாக்குகிறது. மதிப்புகள், தாங்குதிறன், ஒவ்வொரு குழந்தைக்கும் கல்வியை புதுப்பித்தமைக்கும் தொலைநோக்கு பார்வை கொண்டவர்களாகத் திகழ்கிறார்கள், என்றார்.
சென்னை, கோயம்புத்தூர், திருச்சி மற்றும் இந்தியா முழுவதிலும் உள்ள இளைஞர்கள், பரந்துபட்ட அளவில் தாக்கத்தை ஏற்படுத்தவும், மேலும் சமத்துவமான ஒரு கல்விச் சூழலை உருவாக்கவும் உதவும் இந்த வாழ்க்கை-மாற்றியமைக்கும் வாய்ப்பிற்காக விண்ணப்பிக்குமாறு ஊக்குவிக்கப்படுகிறார்கள்.