.jpeg)
உலக முதுகெலும்பு தினத்தை முன்னிட்டு, குர்கான் மற்றும் நொய்டாவைச் சேர்ந்த பிரபல முதுகெலும்பு அறுவை சிகிச்சை நிபுணர்கள், முதுகெலும்பு அறுவை சிகிச்சையின் சமீபத்திய முன்னேற்றங்கள் குறித்தும், மருத்துவ தொழில்நுட்பம் குறித்தும், அதன் மூலம் நோயாளி பராமரிப்பு மற்றும் அறுவை சிகிச்சைகள் எப்படி வெற்றிகரமாக செய்யப்படுகின்றன என்பது குறித்தும் நிகழ்ச்சி ஒன்றில் விளக்கமாக கூறியுள்ளனர்.
"முதுகெலும்பு அறுவை சிகிச்சையில் முன்னேற்றங்கள்" என்ற தலைப்பில் நடைபெற்ற இந்த நிகழ்ச்சியில் ரோபோடிக் உதவியுடன் கூடிய மற்றும் குறைந்தபட்ச ஊடுருவும் நடைமுறைகள் போன்ற புதுமைகள் முதுகெலும்பு பராமரிப்பின் எதிர்காலத்தை எவ்வாறு வடிவமைக்கின்றன என்பதை நிபுணர் குழு விவாதித்தது. இந்த அதிநவீன நுட்பங்கள் நவீன தொழில்நுட்பத்தின் துல்லியத்தை உயர் பயிற்சி பெற்ற அறுவை சிகிச்சை நிபுணர்களின் நிபுணத்துவத்துடன் இணைத்து, பாதுகாப்பான அறுவை சிகிச்சைகளுடன் நோயாளிகள் விரைவாக குணமடைவதற்கும் உறுதுணையாக உள்ளன.
இந்த நிகழ்ச்சியில் பங்கேற்ற அறுவை சிகிச்சை நிபுணர் ஒருவர் கூறுகையில், முதுகெலும்பு அறுவை சிகிச்சையில் சமீபத்திய முன்னேற்றங்கள், குறிப்பாக ரோபாட்டிக்ஸ் மற்றும் மேம்பட்ட தொழில்நுட்பங்களை ஏற்றுக்கொள்வது என்பது இதற்கான சிகிச்சை நடைமுறைகளை மிகவும் துல்லியமாகவும் நுண்துளையீட்டு சிகிச்சை முறைக்கும் மாற்றுகின்றன. இதன் காரணமாக நோயாளிக்கு குறைந்த வலி, நீண்ட நாட்கள் மருத்துவமனையில் தங்க வேண்டிய அவசியமின்மை, இயல்பு வாழ்க்கைக்கு விரைவாக திரும்புதல் ஆகியவற்றை சாத்தியமாக்குகிறது என்று தெரிவித்தார்.
ஒவ்வொரு நோயாளியும் அவர்களின் தனித்துவமான நிலைக்கு ஏற்ப சிகிச்சை பெற வேண்டும் என்பதை இதில் பங்கேற்ற மருத்துவ நிபுணர்கள் தெரிவித்தனர். தனிப்பட்ட சிகிச்சைத் திட்டங்கள் குறித்தும், முதுகெலும்பு பாதிப்பு இல்லாமல் பார்த்துக் கொள்வது தொடர்பாகவும் அவர்கள் விரிவாக எடுத்துக் கூறினார்கள். தொழில்நுட்ப முன்னேற்றங்கள் சிறப்பான பலன்களை அளிக்கும் அதேவேளையில், இது அனைத்து நோயாளிகளுக்கும் பொருத்தமானதாக இருக்காது. ஒவ்வொரு நோயாளியும் தனிப்பட்ட முறையில் பரிசோதிக்கப்பட்டு அதற்கான சிறந்த சிகிச்சை முறைகளை அவர்களுக்கு வழங்க வேண்டும் என்பதன் முக்கியத்துவத்தையும் அவர்கள் வலியுறுத்தினார்கள்.
முதுகெலும்பு பிரச்சினை தொடர்பான அறிகுறிகள், ஆரம்பகால நோயறிதலின் முக்கியத்துவம் மற்றும் நவீன சிகிச்சை முறைகளில் கிடைக்கும் நன்மைகள் பற்றிய விழிப்புணர்வை ஏற்படுத்துவதே இந்த நிகழ்ச்சியின் முக்கிய நோக்கமாகும். இந்த நவீன கண்டுபிடிப்புகளின் சிறப்புகளை தெரிவிக்கும் வகையில் பல நோயாளிகளுக்கு இதன் மூலம் செய்யப்பட்ட வெற்றிகரமான அறுவை சிகிச்சைகள் குறித்தும் அவர்களின் பெயர்களை குறிப்பிடாமல் அனைவரிடத்திலும் மருத்துவர்கள் பகிர்ந்து கொண்டனர்.
இந்த முயற்சி முதுகெலும்பு ஆரோக்கியத்தை மேம்படுத்துவதற்கும், சமீபத்திய மருத்துவ முன்னேற்றங்கள் பற்றிய அறிவை நோயாளிகளுக்கு வழங்குவதற்கும் மேற்கொள்ளப்பட்ட முயற்சியாகும்.