பிரதமர் நரேந்திர மோடியின் இரண்டு நாள் பிரிட்டன் பயணத்தின் போது இந்தியா-இங்கிலாந்து சுதந்திர வர்த்தக ஒப்பந்தம் (எப்டிஏ) கையெழுத்தானதை டிவிஎஸ் மோட்டார் நிறுவனம் மகிழ்ச்சியுடன் வரவேற்றது. இந்த மைல்கல் ஒப்பந்தம் 2030ஆம் ஆண்டுக்குள் இருதரப்பு வர்த்தகத்தை 60 பில்லியன் அமெரிக்க டாலர்களிலிருந்து 120 பில்லியன் அமெரிக்க டாலர்களாக இரட்டிப்பாக்கும் என்று எதிர்பார்க்கப்படுகிறது, மேலும் இது பிரதமரின் விக்ஸித் பாரத் என்ற தொலைநோக்குப் பார்வையை நனவாக்குவதில் ஒரு குறிப்பிடத்தக்க படியாகும்.
இந்திய உற்பத்தி மற்றும் வடிவமைப்பிற்கான புதிய உலகளாவிய எல்லைகளைத் திறக்க எப்டிஏ தயாராக உள்ளது, குறிப்பாக இந்திய அரசாங்கத்தின் முதன்மையான 'மேக் இன் இந்தியா' முயற்சியின் கீழ். டிவிஎஸ் மோட்டார் நிறுவனத்தைப் பொறுத்தவரை, இந்த ஒப்பந்தம், புகழ்பெற்ற பிரிட்டிஷ் பிராண்டை மூலோபாய ரீதியாக கையகப்படுத்தியதைத் தொடர்ந்து, இங்கிலாந்தில் நார்டன் என்ற பிரிட்டிஷ் பிராண்ட் மோட்டார் சைக்கிள்களின் புதிய வரிசையை அறிமுகப்படுத்தத் தயாராகும் ஒரு முக்கியமான நேரத்தில் வருகிறது.
இந் ஒப்பந்தத்தை வரவேற்ற டிவிஎஸ் மோட்டார் நிறுவனத்தின் நிர்வாக இயக்குநர் சுதர்சன் வேணு, “பிரதமர் நரேந்திர மோடியின் விக்ஸித் பாரத் தொலைநோக்குப் பார்வையாலும், இந்தியாவை உலகளாவிய உற்பத்தி மற்றும் வடிவமைப்பு சக்தியாக மாற்றுவதற்கான அவரது அசைக்க முடியாத அர்ப்பணிப்பாலும் நாங்கள் மிகவும் ஈர்க்கப்பட்டுள்ளோம். இந்தியா - இங்கிலாந்து சுதந்திர வர்த்தக ஒப்பந்தம் கையெழுத்தானது ஒரு முக்கிய தருணம்.இது இந்திய நிறுவனங்கள் ‘மேக் இன் இந்தியா’வை உலகிற்கு எடுத்துச் செல்ல புதிய எல்லைகளைத் திறக்கிறது. இந்த ஆண்டு அறிமுகமாக உள்ள புதிய நோர்டன் வாகனங்களின் பின்னணியில் இந்த வர்த்தக ஒத்துழைப்பு அதிக ஆதாயத்தைத் தரும் என நாங்கள் நம்புகிறோம். இது எங்கள் உலகளாவிய குறிக்கோள்களை உற்சாகப்படுத்துகிறது மற்றும் உலகத் தரம் வாய்ந்த தயாரிப்புகள் மற்றும் பிராண்டுகளை உருவாக்க எங்களின் உறுதிமனப்பாட்டை இன்னும் வலுப்படுத்துகிறது" என்றார்.
இந்தியா - யுகே எஃப்.டி.ஏ, இந்திய நிறுவனங்கள் தங்கள் உலகளாவிய தடத்தை விரிவுபடுத்துவதற்கும், நாட்டின் புதுமை மற்றும் பொறியியல் சிறப்பை ஒரு பெரிய தளத்தில் வெளிப்படுத்துவதற்கும் மகத்தான வாய்ப்புகளை உருவாக்கும் என்று டிவிஎஸ் மோட்டார் நம்புகிறது.