தேர்வு தயாரிப்பு சேவைகளில் முன்னனியில் இருக்கும் ஆகாஷ் எஜுகேஷனல் சர்வீசஸ் லிமிடெட்-ன் மதுரை மையத்தைச் சேர்ந்த மாணவன் கார்த்திக் அகர்வால் மதிப்புமிக்க ஜேஇஇ அட்வான்ஸ்டு 2024 தேர்வில் அதிக மதிப்பெண் பெற்று அகில இந்திய தரவரிசைப் பட்டியலில் 597வது இடம் பெற்று தேர்ச்சி அடைந்துள்ளதை பெருமையுடன் அறிவிக்கிறது. இந்த குறிப்பிடத்தக்க சாதனை மாணவனின் கடின உழைப்பு, அர்ப்பணிப்பு மற்றும் ஏஇஎஸ்எல் வழங்கிய உயர்தர பயிற்சிக்கு ஒரு சான்றாகும். தேர்வு முடிவுகளை ஐஐடி மெட்ராஸ் வெளியிட்டுள்ளது.
கார்த்திக் அகர்வால், சாய் கிரிஷ் எஸ், கனியமுதன் எஸ், சஞ்சய் ராம் எஸ், ப்ரித்வி சரண் எஸ், வி.எஸ்.ப்ரணவ், ஜிவிதேஷ் எஸ், நிதிஷ் மணி எஸ், திவாகர் எஸ், ஹரினிஷ் ப்ரதீப் எஸ், விமல்நாத், அஷ்வந்த் பாலாஜி எஸ், யோஃபியா எம் மற்றும் விசாகன் எஸ் ஆகியோர் ஜேஇஇ தேர்வில் தேர்ச்சி பெற்றுள்ளனர். அவர்களுக்கு பாராட்டு விழா நடந்தது. ஆகாஷ் பைஜூஸின் 79 மாணவர்கள் என்ஐடி யிலும் 11 மாணவர்கள் ஐஐடியில் சேர்வதற்கு தேர்வாகி உள்ளனர்.
"உள்ளடக்கம் மற்றும் பயிற்சி என ஆகாஷ் எனக்கு இரண்டிலும் உதவியதற்கு நான் நன்றியுள்ளவனாக இருக்கிறேன். ஏஇஎஸ்எல்-ன் இந்த உதவி இல்லாமல் நான் குறுகிய காலத்தில் வெவ்வேறு பாடங்களில் பல கருத்துகளைப் புரிந்துகொண்டிருக்க மாட்டேன்," என்று மாணவர் கூறினார்.
மாணவனின் சாதனைக்கு வாழ்த்து தெரிவித்த ஆகாஷ் எஜுகேஷனல் சர்வீசஸ் லிமிடெட்-ன் முதன்மை கல்வி மற்றும் வணிகத் தலைவர் தீரஜ் மிஸ்ரா, "மாணவனின் முன்மாதிரியான சாதனைக்காக நாங்கள் வாழ்த்துகிறோம். மாணவனின் சாதனை அவரது கடின உழைப்பையும் அர்ப்பணிப்பு மற்றும் பெற்றோரின் ஆதரவு ஆகியவற்றைப் பறைசாற்றுகிறது. மாணவனின் எதிர்கால முயற்சிகளில் சிறப்பாக அமைய நாங்கள் வாழ்த்துகிறோம்” என்றார்.
ஜேஇஇ அட்வான்ஸ்டு ஆண்டுதோறும் ஐஐடிகளில் ஒன்றால் நடத்தப்படுகிறது. ஜேஇஇ முதன்மைத் தேர்வில் தேர்ச்சி பெற்ற மாணவர்களுக்காக இது நடத்தப்படுகிறது. ஜேஇஇ மெயின்ஸ் என்பது பல தேசிய தொழில்நுட்பக் கழகம் மற்றும் இந்தியாவில் உள்ள பிற மைய உதவி பெறும் பொறியியல் கல்லூரிகளில் சேர்வதற்கானது என்றாலும், இந்திய தொழில்நுட்பக் கழகத்தில் சேர்வதற்கான ஒரு முக்கிய தேர்வாக ஜேஇஇ அட்வான்ஸ்டு கருதப்படுகிறது. மாணவர்கள் ஜேஇஇ அட்வான்ஸ்டு தேர்வில் இடம்பெற ஜேஇஇ மெயின் தேர்வு கட்டாயம் எழுத வேண்டும். ஜேஇஇ அட்வான்ஸ்டு 2024 இல் 1 மற்றும் 2 ஆகிய இரண்டு தாள்களிலும் மொத்தம் 180,200 மாணவர்கள் தேர்வு எழுதியுள்ளனர். மொத்தம் 48,248 மாணவர்கள் ஜேஇஇ அட்வான்ஸ்டு 2024 இல் தகுதி பெற்றுள்ளனர்.