அமேசான் இந்தியா, இந்தியாவிற்கான அதன் உறுதிப்பாட்டின் ஒரு பகுதியாக அறிவித்த உறுதிமொழிகள் குறித்த புதுப்பிப்புகளை பகிர்ந்துள்ளது. 2025க்குள், இந்தியாவில்1 கோடி (10 மில்லியன்) குறு, சிறு மற்றும் நடுத்தர நிறுவனங்களை டிஜிட்டல் மயமாக்கவும், 20 பில்லியன் டாலர் ஒட்டுமொத்த ஏற்றுமதியை செயல்படுத்தவும், 20 லட்சம் (2 மில்லியன்) வேலை வாய்ப்புகளை உருவாக்கவும் அமேசான் உறுதியளித்துள்ளது. அமேசான் இந்த உறுதிமொழிகளை நிறைவேற்றுவதற்கான நோக்கத்தில் உள்ளது.
சுமார் இரண்டு ஆண்டுகளுக்கு முன்பு, அமேசான், ஒரு டிஜிட்டல் இந்தியாவின் சாத்தியக்கூறுகளைத் திறப்பதில் ஆர்வமுள்ள தொழில்நுட்பம் சார்ந்த ஸ்டார்ட்அப்களில் முதலீடு செய்ய 250 மில்லியன் டாலர்களை அமேசான் எஸ்எம்பிஎச்ஏவி வென்ச்சர் ஃபண்டை அறிவித்தது. இந்த வென்ச்சர் ஃபண்ட், இந்தியாவில் கண்டுபிடிப்பதற்கும், கட்டமைப்பதற்கும், மற்றும் உருவாக்குவதற்கும் தொழில்முனைவோர்களுக்கு உதவ கவனம் செலுத்துகிறது.
அமேசான் இந்தியா 6.2 மில்லியன் குறு, சிறு மற்றும் நடுத்தர நிறுவனங்களை டிஜிட்டல் மயமாக்கியுள்ளது. அமேசான் நிறுவனத்தின் டிஜிட்டல் மயமாக்கல் முயற்சிகள், உள்ளூர் சில்லறை விற்பனை கடைகள், கைவினைஞர்கள் மற்றும் அடிநிலை தொழில்முனைவோர் உள்ளிட்ட சிறு வணிகங்களை தங்கள் வாடிக்கையாளர்களைச் சென்றடையவும், அவர்களின் வரம்பை மேலும் விரிவுபடுத்தவும் உதவுகின்றன. அமேசான், இந்தியாவில் இருந்து உலகளாவிய பிராண்டுகளை உருவாக்குகிறது மற்றும் அதன் குளோபல் செல்லிங் திட்டத்தின் மூலம் ஏற்றுமதியை வலுவாக வளர்க்கிறது. இன்று 1.25 லட்சத்துக்கும் அதிகமான ஏற்றுமதியாளர்கள் இந்தத் திட்டத்தில், 2023ஆம் ஆண்டின் இறுதிக்குள் ஒட்டுமொத்த ஏற்றுமதியில் 8 பில்லியன் டாலர்களை தாண்டும் இலக்கில் உள்ளனர்.
கடந்த ஓராண்டில், தொழில்துறைகளில் அமேசான் விற்பனையாளர் சமூகத்தில் உருவாக்க உதவிய கூடுதல் மறைமுக வேலைகளுடன், ஐடி, ஈ-காமர்ஸ், லாஜிஸ்டிக்ஸ், உற்பத்தி, உள்ளடக்க உருவாக்கம், திறன் மேம்பாடு மற்றும் பலவற்றை உள்ளடக்கிய பல்வேறு தொழில்களில் பரவியுள்ள சுமார் 1.4 லட்சம் நேரடி மற்றும் மறைமுக வேலைகளை உருவாக்க அமேசான் உதவியது.
அமேசான் இந்தியா இன் இந்தியா கன்ஸுமர் பிசினஸ் மேலாளர் மணீஷ் திவாரி, “நாடு முழுவதும் உள்ள லட்சக்கணக்கான குறுந்தொழில் முனைவோர், சிறு வணிகங்கள் மற்றும் தொடக்க நிறுவனங்களுடன் நாங்கள் தொடர்ந்து பணியாற்றுவதால், இந்திய வணிகங்களின் தொழில் முனைவோர் உணர்வை வெளிக்கொணரவும், நாட்டிலிருந்து ஏற்றுமதியை அதிகரிக்கும் மற்றும் வெகுஜன வேலைவாய்ப்பை உருவாக்குவதற்கும் உதவுகின்ற புதிய கருவிகள், தொழில்நுட்பம் மற்றும் கண்டுபிடிப்புகளைக் கொண்டுவருவதில் நாங்கள் உறுதியாக இருக்கிறோம். இந்தியாவின் பொருளாதார வளர்ச்சியில் தொழில்நுட்பம் மற்றும் மொபைல் இணையம் தொடர்ந்து நல்ல தாக்கத்தை ஏற்படுத்தும் என்பதை நாங்கள் உறுதியாக நம்புகிறோம், மேலும் நாட்டின் டிஜிட்டல் மாற்றம் மற்றும் நவீன, செழித்து வரும் டிஜிட்டல் பொருளாதாரத்தில் அமேசான் பெரும் பங்கு வகிப்பதை நாங்கள் பார்க்கிறோம்."என்று கூறினார்.