தூத்துக்குடி மாவட்டத்தில் வெள்ளத்தால் வீடுகளை இழந்த 11 குடும்பத்துக்கு வீடு வழங்கிய முத்தூட் ஃபைனான்ஸ்

முத்தூட் ஃபைனான்ஸ் நிறுவனமானது தமிழ்நாட்டிலுள்ள தூத்துக்குடி மற்றும் திருநெல்வேலியில் கடந்த 2023ல் ஏற்பட்ட பெரு வெள்ளத்தினால் வீடுகளை இழந்தவர்களுக்கு 11 புதிய வீடுகளை வழங்கியது. இந்த செயல்பாடானது முத்தூட் ஃபைனான்ஸ் சிஎஸ்ஆர் முயற்சியின் ஒரு பகுதியாகும். அதோடு, இயற்கை பேரழிவுகளால் வீடுகளை இழந்த  குடும்பங்களுக்கு நிரந்தர வீட்டுவசதி ஆதரவை வழங்கும் முத்தூட் ஆஷியானா திட்டத்தின் கீழ் இந்த முன்முயற்சி மேற்கொள்ளப்பட்டது.

கேரள வெள்ளத்திற்குப் பிறகு 2018 ஆம் ஆண்டு தொடங்கப்பட்ட ஆஷியானா திட்டம், இதுவரை இந்தியா முழுவதும் 270 வீடுகளை வழங்கியுள்ளது. இதில் கேரளாவில் 200க்கும் மேற்பட்ட வீடுகளும், ரேவாரி (ஹரியானா) 20 வீடுகளும், ஹரித்வாரில் (உத்தரகாண்ட்) 10 வீடுகளும், தற்போது தமிழ்நாட்டில் 11 வீடுகளும் அடங்கும்.

இந்தியா முழுவதும் வெள்ளத்தால் பாதிக்கப்பட்ட குடும்பங்களுக்கு நிரந்தர வீடுகளைக் கட்டுவதற்காக முத்தூட் நிதி நிறுவனத்தின் முயற்சியே ஆஷியானா திட்டமாகும். இதற்காக, இதுவரை ரூ.21 கோடியை முதலீடு செய்துள்ளது.  தூத்துக்குடி மற்றும் திருநெல்வேலி மாவட்டங்களில் 11 வீடுகள் ரூ.1 கோடி செலவில் கட்டி தரப்பட்டுள்ளது குறிப்பிடத்தக்கது.  மேலும் ஸ்ரீவைகுண்டத்தில் உள்ள டிஎஸ்பி அலுவலகத்திற்கான சுற்றுச்சுவரை முத்தூட் ஃபைனான்ஸ் கட்டிக் கொடுத்துள்ளது. அதோடு, சட்டம் ஒழுங்கைப் பராமரிப்பதிலும் சமூக சொத்துக்களைப் பாதுகாப்பதிலும் காவல்துறையின் பங்கைப் பாராட்டும் ஒரு அடையாளமாக இது வழங்கப்பட்டுள்ளது.

வீடுகளை ஒப்படைக்கும் விழா விழாவில், முத்தூட் குழும நிறுவனங்களின் தலைவர் ஜார்ஜ் ஜேக்கப் முத்தூட் மற்றும் முத்தூட் நிதித்துறை துணை நிர்வாக இயக்குநர்  ஜார்ஜ் முத்தூட் ஜேக்கப் ஆகியோர் கலந்து கொண்டனர். ஸ்ரீவைகுண்டம் சட்டமன்ற உறுப்பினர் ஊர்வசி எஸ். அமிர்தராஜ் விழாவின் தலைமை விருந்தினராக கலந்து கொண்டார்.

நிகழ்வில் தலைவர் ஜார்ஜ் ஜேக்கப் முத்தூட் கூறுகையில்,  “நிதி சேவைகளுக்கு அப்பால், வலுவான சமூகங்களை உருவாக்குவதே எங்கள் பொறுப்பு. எங்கள் ஆஷியானா திட்டத்தின் மூலம், இயற்கை பேரழிவுகளுக்குப் பிறகு, குடும்பங்கள் தங்கள் வாழ்க்கையை கண்ணியத்துடன் மீண்டும் கட்டியெழுப்ப உதவுகிறோம். எங்கள் நோக்கம், தங்குமிடம் வழங்குவது மட்டுமல்ல, எல்லாவற்றையும் இழந்தவர்களுக்கு பாதுகாப்பு மற்றும் ஸ்திரத்தன்மை உணர்வை உருவாக்குவதும் ஆகும். நாங்கள் ஒப்படைக்கும் ஒவ்வொரு வீட்டின் மூலமும், பாதிக்கப்பட்ட சமூகங்களில் நம்பிக்கையையும் வாழ்வாதாரத்தையும் மீட்டெடுக்க நம்புகிறோம்.” என்றார்.