உலகளாவிய முன்னணி நிறுவனமான எச்சிஎல், தமிழ்நாடு பிரிட்ஜ் சங்கத்துடன் இணைந்து மூன்று நாள் எச்சிஎல் தமிழ்நாடு ஸ்டேட் பிரிட்ஜ் சாம்பியன்ஷிப் போட்டியை மதுரையில் வெள்ளிக்கிழமை தொடங்கியது. தொடக்க விழாவில் தமிழக அரசின் தகவல் தொழில்நுட்பம் மற்றும் டிஜிட்டல் சேவைகள் துறை அமைச்சர் டாக்டர் பழனிவேல் தியாகராஜன் கலந்து கொண்டு விழாவை தொடங்கி வைத்தார். இந்தியாவில் இருந்து 150க்கும் மேற்பட்ட வீரர்கள் மற்றும் 40 அணிகள் பங்கேற்கின்றன. வெற்ரூ. போட்டியாளர்களுக்கு 4 லட்சம் மதிப்புள்ள பரிசு தொகை வழங்கப்படவுள்ளது. சாம்பியன்ஷிப் மற்றும் பங்கேற்பாளர்களின் விவரங்களை https://www.bridgewebs.com/tnba/ எனும் தளத்தில் காணலாம்.
போட்டியானது 4-6 வீரர்கள் கொண்ட அணிகளுக்கு இடையே நடைபெறும். முதல் நாளில், பிளேஆஃப்களுக்கான முதல் 6 முதல் 8 தகுதிச் சுற்றுகளைத் தீர்மானிக்க அணிகள் சுவிஸ் லீக்கில் பங்கேற்கும். 2ஆம் நாள், தகுதி பெற்ற அணிகள் முழு அளவிலான ரவுண்ட் ராபினில் ஈடுபட்டு, இறுதி நிலைகளை தீர்மானிக்கும். பிளேஆஃப் சுற்றுக்கு தகுதி பெறாத அணிகள் வெள்ளி அணி தரவரிசையில் இடம்பிடிக்க தொடர்ந்து சுவிஸ் லீக்கில் விளையாடும். ஆரம்பநிலை குழு நிகழ்வு 2 ஆண்டுகள் அல்லது அதற்கும் குறைவாக விளையாடும் பங்கேற்பாளர்களுக்கானது. பங்கேற்பாளர்களுக்கு அந்தந்த போட்டிப் பிரிவுகளுக்குள் அவர்களின் தரவரிசையின் அடிப்படையில் ரொக்கப் பரிசுகள் வழங்கப்படும்.
போட்டியின் மூன்றாம் நாளில் திட்டமிடப்பட்ட எம்பி ஜோடி நிகழ்வு, சுமார் 24 உறுப்பினர்கள் கொண்ட ஒரு அற்புதமான ஒரு அமர்வு வடிவமைப்பைக் கொண்டிருக்கும். முதலிடம் பெறுபவர்களுக்கு அவர்களின் தரத்தைப் பொறுத்து ரொக்கப் பரிசு வழங்கப்படும். பிரிட்ஜ் ஆர்வலர்கள் ஒரு அமர்வு ஐஎம்பி ஜோடி நிகழ்வில் போட்டியிடும் வாய்ப்பைப் பெறுவார்கள். இது போட்டியின் 3 ஆம் நாள் நடைபெறும் 1 அமர்வு நிகழ்வாகும். முதலிடம் பெறுபவர்களுக்கு அவர்களின் தரத்தைப் பொறுத்து ரொக்கப் பரிசு வழங்கப்படும்.
சுந்தர் மகாலிங்கம் எச்.சி.எல் கார்ப்பரேஷனின் ஸ்டேட்டர்ஜி தலைவர் கூறுகையில், “கடந்த 20 ஆண்டுகளாக எச்.சி.எல் பிரிட்ஜ் ஆர்வலர்களுக்கு மற்றும் சமூகத்திற்கு ஒரு செழிப்பான தளத்தை வழங்கி வருகிறது. கடந்த காலங்களில் நாங்கள் சர்வதேச போட்டிகளை தொடர்ந்து நடத்தியிருந்தாலும், மாநில அளவிலான சாம்பியன்ஷிப்பை நடத்துவது இதுவே முதல் முறை. இந்த அற்புதமான மைல்கல், மாநில அளவில் பிரிட்ஜ் விளையாட்டை மேம்படுத்துவதற்கும், உள்ளூர் திறமைகளை வெளிக்கொண்டு வர பிரமாண்ட மேடையாகவும் மற்றும் பிரகாசமான வாய்ப்பை வழங்குவதே எங்கள் நிறுவனத்தின் நோக்கம். இந்த சாம்பியன்ஷிப் போட்டியில் பிரிட்ஜ் ஆர்வலர்களுக்கு டீம் மற்றும் ஜோடியாகயும் விளையாட, இரண்டு பிரிவுகளிலும் வாய்ப்புகள் வழங்கப்படும் , இது அனைத்து வகை வீரர்களுக்கும் அறிவுசார் அனுபவத்தை கண்டிப்பாக கொடுக்கும் என நம்புகிறோம்” என்றார்.