ஃபீல்ட்மார்ஷல் இந்தியாவின் முதல் ARAI அங்கீகரிக்கப்பட்ட TREM V இணக்கமான 15 ஹெச்பி மற்றும் 18 ஹெச்பி பிரிவுகளில் ஒற்றை சிலிண்டர் டீசல் என்ஜின்களை அறிமுகப்படுத்துகிறது

ஃபீல்ட்மார்ஷல்  நிறுவனம் 15 ஹெச்பி மற்றும் 18 ஹெச்பி பிரிவுகளில் இந்தியாவின் முதல் ஆட்டோமோட்டிவ் ரிசர்ச் அசோசியேஷன் ஆஃப் இந்தியா-ஆல் அங்கீகரிக்கப்பட்ட ’ட்ரெம் V’ இணக்கமான ஒற்றை சிலிண்டர் டீசல் என்ஜின்களை அறிமுகப்படுத்துவதாக அறிவித்துள்ளது. இது நிறுவனத்தின் ஆறு தசாப்தங்களுக்கும் மேலான பொறியியல் மற்றும் உற்பத்திப் பயணத்தில் ஒரு முக்கியமான மைல்கல்லைக் குறிக்கிறது. காம்பாக்ட் டிராக்டர்கள் மற்றும் விவசாய இயந்திரங்களுக்காக உருவாக்கப்பட்டுள்ள இந்த அடுத்த தலைமுறை என்ஜின்கள், ஃபீல்ட்மார்ஷலின் பொறியியல் நிபுணத்துவத்தை தூய்மையான தொழில்நுட்பம், எரிபொருள் திறன், நீடித்த தன்மை மற்றும் காம்பாக்ட் பொறியியலுடன் ஒருங்கிணைக்கின்றன.

இந்த அறிமுகம், உள்நாட்டு தொழில்நுட்ப மேம்பாடு, ஆத்மநிர்பர் பாரத் மற்றும் மேக் இன் இந்தியா ஆகியவற்றில் ஃபீல்ட்மார்ஷலின் உறுதிப்பாட்டை மேலும் வலுப்படுத்துவதுடன், மேம்பட்ட என்ஜின்கள், டிராக்டர்கள், விவசாய இயந்திரமயமாக்கல் மற்றும் அதனுடன் தொடர்புடைய பொறியியல் தீர்வுகள் ஆகியவற்றில் நிறுவனத்தின் அடுத்தகட்ட வளர்ச்சிக்கான நிலைப்பாட்டையும் வலுப்படுத்துகிறது.புதிய என்ஜின்களில் உள்நாட்டிலேயே உருவாக்கப்பட்ட ஈஜிஆர் அமைப்பு இடம்பெற்றுள்ளது. இது தூய்மையான உமிழ்வுகள் மற்றும் சீரான இயக்கத்தை ஆதரிப்பதுடன், சமீபத்திய ட்ரெம் V உமிழ்வு தேவைகளுக்கு இணங்குவதை சாத்தியமாக்குகிறது. 

ட்ரெம் V என்ஜின் தொழில்நுட்பம் தொடர்பாக ஃபீல்ட்மார்ஷல் இந்தியாவில் பல தேசிய காப்புரிமைகளையும் தாக்கல் செய்துள்ளது. இது உள்நாட்டு ஆராய்ச்சி மற்றும் மேம்பாடு, பொறியியல் மேம்பாடு மற்றும் அறிவுசார் சொத்து உருவாக்கம் ஆகியவற்றில் நிறுவனத்தின் அதிகரித்து வரும் கவனத்தை பிரதிபலிக்கிறது. இந்த என்ஜின்கள் சவாலான இயக்க சூழல்கள் மற்றும் நீண்ட நேர பணிக்காக உருவாக்கப்பட்டுள்ளன. இவை வலுவான கட்டமைப்பை காம்பாக்ட் பேக்கேஜிங், திறமையான குளிரூட்டல் மற்றும் எளிதான பராமரிப்புடன் ஒருங்கிணைக்கின்றன.

அறிமுகம் குறித்து கருத்து தெரிவித்த ஃபீல்ட்மார்ஷல் பி.எம். டீசல்ஸ் நிறுவனத்தின் இயக்குநர் ரிஷி படேல் கூறுகையில், “எங்களது ட்ரெம் V என்ஜின் தளத்தின் மேம்பாடு, ஃபீல்ட்மார்ஷலின் பொறியியல் பயணத்தில் ஒரு முக்கியமான மைல்கல்லை குறிக்கிறது. எங்களது ஆட்டோமோட்டிவ் ரிசர்ச் அசோசியேஷன் ஆஃப் இந்தியா ட்ரெம் V-க்கு இணக்கமான 15 ஹெச்பி மற்றும் 18 ஹெச்பி ஒற்றை சிலிண்டர் என்ஜின்களின் அறிமுகம், இந்த தொழில்நுட்பம் தொடர்பாக நாங்கள் தாக்கல் செய்துள்ள பல தேசிய காப்புரிமைகளுடன் இணைந்து, உள்நாட்டு இந்திய பொறியியலின் வளர்ந்து வரும் திறன்களை வெளிப்படுத்துகிறது.  ஃபீல்ட்மார்ஷலின் பொறியியல் பாரம்பரியத்தை புதிய தொழில்நுட்பங்கள் மற்றும் இந்தியாவிலும் உலகளவிலும் அடுத்த தலைமுறை வாடிக்கையாளர்களுக்கு சேவை செய்யக்கூடிய தயாரிப்புகளுடன் இணைப்பதே எங்களது நோக்கமாகும்” என்றார்.